တောင်ငူသား

..... စိမ်းလန်းပါစေ ကမ္ဘာမြေ ... ငြိမ်းချမ်းပါစေ ကမ္ဘာမြေ .....

Friday, November 28, 2008

ဘဲစာသစ်

အဖိုးက တစ်ဦးတည်းသောသား။ အဖိုးရဲ့ ဦးလေးအဒေါ်တွေကလည်း အပျိုကြီး၊ လူပျိုကြီးတွေဆိုတော့ မောင်နှမဝမ်းကွဲတောင် မရှိရှာဘူး။ အဲဒါကြောင့်မို့လားတော့ မသိဘူး။ အဖွားနဲ့ လက်ထပ်ပြီး မွေးထားတာ သားသမီးကိုးယောက်တောင်။ ကျွန်တော်သိတတ်စအချိန်မှာ အိမ်မှာ ကျွန်တော်တို့မိသားစုရယ်၊ အဖိုးနဲ့ အဖွားရယ်၊ အဖိုးရဲ့ အဒေါ်အငယ်ဆုံး အဖွားအပျိုကြီးရယ်၊ အဖေ့အကိုအကြီးဆုံးရဲ့ သမီးရယ် နေကြတယ်။ အဖိုးရဲ့ အဒေါ်အငယ်ဆုံးဆိုပေမယ့် အဖိုးနဲ့ အသက် အများကြီးမကွာဘူး။ အဖိုးက သူ့အဒေါ်ကို မမလို့ပဲ ခေါ်လေ့ရှိတာ မှတ်မိတယ်။ အဖွားအပျိုကြီးက ကျွန်တော်နဲ့ဆို အဘေး တော်တာပေါ့။

ကျွန်တော့်အဘေးက အသက်အရွယ်ရလာတဲ့အချိန်မှာ သွားတွေက အရမ်းမာတာတွေ မဝါးနိုင်တော့ဘူး။ ထမင်းချက်ရင် ခပ်ပျော့ပျော့လေး ချက်ပေးရတယ်။ အသား၊ ငါးတွေဆိုလည်း နူးနေအောင် ပြုတ်ပြီးမှ စားလို့ရတယ်။ အိမ်ထဲက အိမ်ပြင်တောင် ထွက်လေ့မရှိတော့ဘူး။ သူ့အခန်းလေးထဲမှာပဲ အနေများတယ်။ အပြင်က တခြားအကြောင်းအရာတွေ ဘာတွေလည်း စိတ်မဝင်စားပါဘူး။ သူမေးတတ်တာ ဘိုးဘွားစဉ်ဆက်ကိုးကွယ်လာတဲ့ ဘုန်းကြီးကျောင်းအကြောင်းရယ်၊ တူဖြစ်သူက မွေးတဲ့ မြေးတွေ(အဖေတို့မောင်နှမတွေ) အကြောင်းလောက်ရယ်သာ သတိရတဲ့အခါ မေးတတ်တယ်။ သူ့ဟာသူ ပုတီးလေးစိပ် ဘုရားရှိခိုးနဲ့ပဲနေတာ။ အိမ်မှာ ကျွန်တော်တို့တွေ ပြောကြဆိုကြတာတွေတော့ နားစွန်နားဖျား ကြားမိပါလိမ့်မယ်။ လူကြီးဆိုတော့လည်း သူ့စိတ်ထဲ တွေးမိတွေးရာ တွေးတာလည်း ရှိမှာပေါ့။


ကျွန်တော့်အဖွားက အသက် ၈၆နှစ်အရွယ် မကွယ်လွန်ခင် အချိန်ထိ မီးဖိုဆောင်ကို အမေနဲ့အတူ ကိုယ်တိုင်ဝင်ပြီး ချက်ပြုတ်ရမှ ကျေနပ်တာ။ အဖွားက သွေးတိုးသာ ရှိတာ ဟင်းချက်ရင် လေးလေးပင်ပင်လေး ချက်လေ့ရှိတယ်။ ပေါ့ရွှတ်ရွှတ်ဟင်းတွေဆိုရင် စားမဝင်တတ်ဘူး။ အဲဒီအလေ့က စွဲနေတော့ အဒေါ်ဖြစ်သူအတွက် ထမင်းပွဲ ဟင်းပွဲလုပ်ပေးတဲ့အခါမှာလည်း လေးလေးပင်ပင်လေးဖြစ်အောင် ပြင်တော့တယ်။


တစ်နေ့တော့ ဘဲဥပြုတ်လေးကို ဆီဆမ်းပြီး ထမင်းပူပူလေးနဲ့ စားဖို့ကို အဖွားက လုပ်ပေးတယ်။ ကျွန်တော့်အဘေးလည်း ထမင်းပွဲဝင်ထိုင်ပြီး ဘဲဥပြုတ်လေးတစ်ဖတ်ကို အရင်ကောက်မြည်းလိုက်တယ်။ ပြီးတော့ ဘယ်သူ့ကိုမှ ပြောတာမဟုတ်ပါဘူး။ သူ့ဘာသာသူလေး ရေရွတ်လိုက်တာ...

“သြော်... ဈေးတွေကြီးလာတော့ လူတွေလည်း ဘဲတွေကို အစာမကျွေးနိုင်ဘဲ ဆားတွေပဲ ကျွေးလားမသိဘူးကွယ်။ ဘဲဥတွေက ဆားငန်လိုက်တာ” တဲ့။

5 comments:

ပြုံးသွားတယ်....
 
အမယ်..တောင်ငူသားတို.မျိုးရိုးက အသက်ရှည်ကြတာပဲ..ကောင်းပါပေ့။ ဘဲစာသစ်လား။ ပြုတ်ကျွေးလိုက်မိတာ ဘဲဥဆားစိမ်များဖြစ်နေမလား တွေးမိနေတယ်...။
 
အနော်လဲလာရီသွားတယ်။ ရထားနဲ့ခရီးသွားရင်တော့ ဘဲဥပြုတ် တဝစားတယ်ဗျ။ ဂလု။
 
သဘောကျမိတယ်--
 
ကိုတောင်ငူရေ ပြုံးသွားတယ်။
နည်းနည်းစဉ်းစားမိတော့မှ စိတ်မကောင်းဘူးဗျ။ ခုနေများဆို ဘဲဥတွေ ဘာနံ့များရနေတယ် ပြောမလဲမသိ။

သုခမိန်(E-Journal)
 

Popular Posts