တောင်ငူသား

..... စိမ်းလန်းပါစေ ကမ္ဘာမြေ ... ငြိမ်းချမ်းပါစေ ကမ္ဘာမြေ .....

Sunday, June 22, 2008

ပိဋကတ်သုံးပုံဆိုသည်မှာ

ဘာသာရေးနှင့်ပက်သက်၍ ကျွန်တော် ဖတ်မှတ်မိဖူးသည်များကို ကျွန်တော့်လို လူငယ် လူရွယ်များအား သိရှိလိုစိတ် တစ်ခုတည်းနှင့်သာ မျှဝေရေးသားပါသည်။ ကျွန်တော် နားလည်ထားသလို ရေးသားတင်ပြခြင်းမျှသာ ဖြစ်သောကြောင့် ကွဲလွဲမှုများ၊ မှားယွင်းမှုများပါရှိပါက ဝေဖန်ထောက်ပြနိုင်ပါသည်။

ကျွန်တော်တို့ ပိဋကတ်သုံးပုံဆိုတာကို ကြားဖူးကြပါသည်။ မြတ်စွာဘုရားဟောကြားခဲ့သော တရားတော်များကို ပိဋကတ်သုံးပုံဟူ၍ ခေါ်ဆိုသည်ကိုလည်း သိကြပါသည်။ မြတ်စွာဘုရားဟောကြားတော်မူခဲ့သော တရားတော်များကို တူရာတူရာ စုစည်းလိုက်သောအခါ သုံးမျိုးသုံးစားရရှိပါသည်။ အစဉ်လိုက်အားဖြင့်-
၁။ ဝိနည်းပိဋက
၂။ သုတ္တန်ပိဋက
၃။ အဘိဓမ္မာပိဋက တို့ဖြစ်ကြပါသည်။


၁။ ဝိနည်းပိဋက

ဝိနည်းပိဋကဆိုသည်မှာ သာသနာ့ဝန်ထမ်းရဟန်းတော်များ လိုက်နာကျင့်ကြံရမည့် ကျင့်ဝတ်၊ စည်းကမ်းများကို စုစည်းဖော်ပြထားခြင်းဖြစ်ပါသည်။ သိက္ခာပုဒ်တော်ပေါင်း (၂၂၇)သွယ် ရှိပါသည်။ ဒီဆရာတော်ကြီးဟာ ဖြင့် ဝိနည်းနဲ့အရမ်းညီလိုက်တာတို့၊ ဝိနည်းတော်နှင့်အညီ ချုပ်ထားသော သင်္ကန်းတို့ ဆိုပြီး ကျွန်တော်တို့ ကြားဖူးနေကြ စကားတွေ ရှိတယ်မဟုတ်လား။ အဲဒါဟာ ယခု (၂၂၇)သွယ်သော စည်းကမ်းတွေကို လိုက်နာစောင့်ထိန်းတာကို ပြောတာပါ။ ဘဘဦးသုခရိုက်တဲ့ ရဟန်းစားသောဆွမ်းတနပ်"စတဲ့ ဇာတ်လမ်းတွေဟာ ယခုသိက္ခာပုဒ်တော်တွေ အကြောင်းကို ရိုက်ကူးတင်ပြထားတာပါ။ ကျွန်တော်တို့ ရဟန်းခံရာတွင်လည်း ဤသိက္ခာပုဒ်တော်များကို စောင့်ထိန်းကြရမှာပါ။

၂။ သုတ္တန်ပိဋက

သုတ္တန်ပိဋက ဆိုသည်မှာ မြတ်စွာဘုရားရှင်သည် လူ၊ နတ်၊ ဗြဟ္မာ၊ သတ္တဝါတွေရဲ့ အကျင့်စရိုက်၊ အသိဉာဏ်၊ အလိုဆန္ဒတို့နဲ့ သင့်မြတ်အောင် ဥပမာသာဓကများနှင့် ဟောကြားတော်မူထားတဲ့အတွက် လူများနဲ့ ပိုမိုနီးစပ်ပြီး နားလည် သဘောပေါက်လွယ်ကြပါသည်။ သာမန်ပုဂ္ဂိုလ်တို့အတွက် အသင့်လျော်ဆုံးတရားလည်းဖြစ်ပါသည်။ သုတ်တော်ပေါင်း (၁၇၅၀၅)သုတ် ရှိပါသည်။ သတိပဌာန်တရား၊ အာနာပါနရှုနည်းများ၊ ဈာန်ဝင်စားခြင်း အစရှိသည်တို့မှာ သုတ္တန်ပိဋကတ်တော်တွင် ပါဝင်ပါသည်။ ကျွန်တော်တို့ ရွတ်ဖတ်ကြသော ပရိတ်ကြီး (၁၁)သုတ်သည်လည်းကောင်း၊ မိဘဝတ်၊ သားသမီးဝတ် အစရှိသည်တို့သည်လည်းကောင်း သုတ္တန်ပိဋကတ်တော်မှပင် ဖြစ်ပါသည်။ မြန်မာ့ယဉ်ကျေးမှုအစဉ်အလာများသည် သုတ္တန်ပိဋကတ်တော်မှ ဆင်းသက်လာခြင်းလည်းဖြစ်ပါသည်။ သုတ္တန်တရားတော်များ အားလုံးကို အတိုအရှည်အလိုက်၊ တရားသဘောအလိုက် နိကာယ် (၅)ရပ် ဟူ၍ ခွဲခြားထားပါသည်။
၁။ ဒီဃနိကာယ်
၂။ မဇ္စျိမနိကာယ်
၃။ သံယုတ္တနိကာယ်
၎။ အဂုင်္တ္တရနိကာယ်
၅။ ခုဒ္ဒကနိကာယ် - တို့ ဖြစ်ကြပါသည်။ ဆရာတော်များ တရားဟောကြားရာတွင် - နိကာယ်၊ - သုတ်တော်မှာ လာသော - ဇာတ်ကြောင်းကို တန်ဆာဆင်ဟောကြားအပ်သော - တရားတော်ဟူ၍ နာကြားဖူးကြပါလိမ့်မည်။ (ဥပမာ- ဆရာတော် အရှင်ဆေကိန္ဒ၏ တရားတော်များ)

၃။ အဘိဓမ္မာပိဋက

အဘိဓမ္မာပိဋက ဆိုသည်မှာ ပုဂ္ဂိုလ်တို့၏ အလိုစရိုက်တို့ကို ဦးစားမပေးဘဲ ဓမ္မသဘာဝတို့ကို အရှိသဘောအတိုင်း ပြည့်စုံကုန်စင်အောင် ပညာသက်သက်ဖြင့် ဟောကြားတော်မူထားခြင်းဖြစ်ပါသည်။ အဘိဓမ္မာတရားတော်ကို မြတ်စွာဘုရားရှင်သည် မယ်တော်မာယာဒေဝီဖြစ်ခဲ့ဖူးသည့် နတ်သားအား မွေးကျေးဇူးဆပ်သည့်အနေဖြင့် နတ်ပြည်၌ ဝါတွင်းသုံးလပတ်လုံး ဟောကြားတော်မူခဲ့ပါသည်။ အဘိဓမ္မာပိဋက တွင်
၁။ ဓမ္မသင်္ဂဏီကျမ်း
၂။ ဝိဘင်္ဂကျမ်း
၃။ ဓါတုကထာကျမ်း
၎။ ပုဂ္ဂလပညတ်ကျမ်း
၅။ ကထာဝတ္ထုကျမ်း
၆။ ယမိုက်ကျမ်း
၇။ ပဌာန်းကျမ်း - ဟူ၍ ကျမ်းပေါင်း (၇)ကျမ်း ရှိပါသည်။ ကျွန်တော်တို့ ရွတ်ဖတ်ပူဇော်ကြသော ပဌာန်းတရားတော်မှာ အဘိဓမ္မာပိဋကမှ သတ္တမြောက်ကျမ်းပင်ဖြစ်ပါသည်။

သံဃာတော်များ ပိဋကတ်သုံးပုံစာမေးပွဲ ဖြေဆိုကြသည်မှာ ဤပိဋကတ်သုံးပုံကို ရေးဖြေရော၊ အာဂုံ(အလွတ်ရွတ်ဆိုခြင်း)ပါ ဖြေဆိုကြခြင်းဖြစ်ပါသည်။

Thursday, June 19, 2008

သားတို့ အမြင်မှန်စေဖို့

"ဒေါင် ဒေါင်... ဒေါင် ဒေါင်... ဒေါင် ဒေါင်..."
ကျောင်းဆင်းခေါင်းလောင်းထိုးသံ ထွက်ပေါ်လာသည့် မရှေးမနှောင်းမှာဘဲ မူလတန်းကျောင်းလေးရဲ့ စာသင်ခန်းအသီးသီးဆီမှ အဖြူအစိမ်းလေးများနှင့် ကလေးများ ထွက်လာကြသည်။ ပြေးသူကပြေး၊ လမ်းလျှောက်သူကလျှောက်ဖြင့် အိမ်အပြန်ခရီးမှာ တက်ကြွနေကြသည်။ ထိုအထဲမှာ အခြားကလေးများနဲ့ မတူခြားနားစွာ ပါလာသူလေး တစ်ယောက်ကတော့ ငိုမဲ့မဲ့မျက်နှာလေးဖြင့် တရွေ့ရွေ့ လျှောက်လာသည်။ ကျောင်းဝင်းတံခါးနားရောက်တော့ လာကြိုသည့် အမေလုပ်သူကိုလည်း မြင်ရော ပြေးဖက်ပြီး

"မေ့... ဟင့်..ဟင့်"

ပြိုမလိုမိုးနဲ့တူနေတဲ့ မျက်နှာထက်မှာ ရွှဲရွှဲစိုလာလေတော့သည်။ အမေလုပ်သူလည်း စိတ်ပူသွားပြီး

"ဟဲ့.. သားသားရယ် ဘာဖြစ်လာတာလဲ အမေ့ကိုပြောပါဦး"

ဆိုကာ ချော့မော့မေးတော့

"ဆရာမက စာရေးခိုင်းထားလို့ စာရေးနေတာ ဟင့်.. ဖိုးတုတ်က သားကို စကားလာပြောတယ် ဟင့်.. ဟင့်.. သားက ပြန်လည်းမပြောဘဲနဲ့ အဲဒါကို ဟင့်.. ဆရာမက သားကိုပါ ရိုက်တယ်" လို့ဖြေတယ်။

အမေလည်း ရုတ်တရက် သားကို ဘယ်လိုချော့ရမလဲ စဉ်းစားရတယ်။ အမှန်တော့ ဆရာမက စာသင်ချိန်မှာ စကားပြောလို့ ပြောတဲ့ကလေးရော နားထောင်တဲ့ကလေးရော နှစ်ယောက်စလုံးကို ရောပြီး ရိုက်လိုက်တာပါ။ သားဖြစ်သူက သူစကားပြန်မပြောဘဲနဲ့ အရိုက်ခံလိုက်ရတဲ့အတွက် ဝမ်းနည်းပြီး ဆရာမကို စိတ်ကွက်လာရှာတာလေ။ ဒီနေရာမှာ အမေရဲ့စကားက အတော့်ကို အရေးကြီးပါတယ်။ သားဖြစ်သူကို ရိုက်ရကောင်းလားဆိုပြီး ဆရာမကို သွားပြဿနာလုပ်မိရင် နောင်ဆို ကလေးက အမြဲမိဘအားကိုးနေလိမ့်မယ်။ ဆရာဆရာမတွေအပေါ်ကိုလည်း အမြင်စောင်းပြီး ဆိုဆုံးမရ ခက်သွားနိုင်တယ်။ ဒီတော့ အမေလုပ်သူလည်း ဆရာမအပေါ် သားငယ် အထင်မလွဲရလေအောင် ပြောရတော့တာပေါ့။ အမေက သားကို မေးလိုက်တယ်။

"ဖိုးတုတ် စကားလာပြောတော့ သားသားက နားထောင်မိသေးလား"
"ဟုတ်"
"သြော်.. သားသားရဲ့ ဆရာမက သားစကားပြောတယ်ဆိုပြီး ရိုက်တာမဟုတ်ပါဘူး။ သားက သူများစကားလာပြောတာ နားထောင်မိလို့ အရိုက်ခံလိုက်ရတာပါ" ဆိုပြီး သားကို နှစ်သိမ့်ပေးလိုက်တော့ ကလေးဟာ ကျေနပ်သွားတယ်။ အမေရဲ့ ဖြေရှင်းချက်လေးက ကလေးရဲ့ မျက်နှာလေးကို ကြည်လင်လာစေတော့တယ်။

နောက်တစ်နေ့ မနက်မှာတော့ ဆရာမဖို့ဆိုကာ ခြံထွက်နှင်းဆီပန်းလေးကိုင်ပြီး သနပ်ခါးအဖွေးသားနဲ့ ကျောင်းသွားဖို့ အဆင်သင့်ဖြစ်နေသော သားငယ်ကို ချစ်စဖွယ်တွေ့ရပါတော့တယ်။ ။

Saturday, June 14, 2008

ဝမ်းနဲ့ကျွေးတဲ့ဖေဖေ

အပြင်ဖက်မှာ မိုးက သည်းသည်းမဲမဲရွာနေတယ်။ အိမ်ရှေ့သံတံခါးကွက်ကြားကနေ အဖေ ပြန်အလာကို ဖိုးလပြည့်မျှော်နေတယ်။ သူအဖေ့ကို တေဇရုပ်စုံ မှာလိုက်တယ်လေ။ အမေလုပ်သူက မီးပူတစ်လုံးနဲ့ မီးပူတိုက်နေတယ်။ မျှော်နေတုန်းမှာပဲ မိုးရေတွေကြားကနေ အဖေ ပြန်ရောက်လာတယ်။ ထီးပါပေမယ့် မိုးကသည်းတော့ အဖေ့တစ်ကိုယ်လုံး မိုးတွေ စိုရွှဲလို့။ သူအလိုက်တသိနဲ့ မျက်နှာသုတ်ပုဝါရယ် ပုဆိုးရယ် ပြေးယူပေးလိုက်တယ်။

"သားသားက လိမ္မာလိုက်တာ"
"ဖေဖေ သားသားမှာလိုက်တဲ့ တေဇ ပါလား"
"ဟေ ပါတာပေါ့ သားရဲ့။ သားသားမှာတာ ဖေဖေ မမေ့ပါဘူးကွ"
"ဟေး ဒါမှ တို့ဖေဖေကွ"
"အမေကြီးရေ ကော်ဖီပူပူလေးတစ်ခွက်လောက် ဖျော်ပါကွာ ခါးခါးလေး"
"မေမေ သားသားလည်း ကော်ဖီသောက်မယ် သားသားကိုလည်း ခါးခါးပဲနော်"
"ဟော သားသားကတော့ လုပ်ပြီ ခါးခါးကြီး ဘယ်လိုသောက်နိုင်မှာလဲ"
"ဟင့်အင်း ရဘူး ခါးခါးပဲ"
အဖေက ရေသုတ်နေရာမှ အမေ့ကို လှမ်းကြည့်ပြီး မေးဆတ်ပြလိုက်တယ်။ မင့်သားအကြောင်းလဲ သိရဲ့သားနဲ့ဆိုတဲ့သဘောပေါ့။ သားတော်မောင်က သူလိုချင်ပြီဆို ရကိုရမှ ကျေနပ်သူဖြစ်သည်။



ခဏနေတော့ ကော်ဖီခွက်တွေနဲ့ အမေ အိမ်ရှေ့ပြန်ရောက်လာသည်။ သားအဖနှစ်ယောက် ကော်ဖီ တစ်ယောက်တစ်ခွက်နဲ့ မိုးအေးအေးမှာ ဇိမ်ယူနေကြတယ်။ အဖေက ပက်လက်ကုလားထိုင်ပေါ်မှာ။ ဖိုးလပြည့်ကတော့ ဘေးမှာ ဝမ်းလျားမှောက်ရင်း တေဇ ဖတ်လို့။ ဖတ်နေရင်းကနေ

"ဖေဖေ သားသားကို ဘယ်သူမွေးတာလဲဟင်"

အဖေလုပ်သူ မျက်မှောင်ကျုတ်သွားသည်။ ပြီးတော့ ပြုံးလိုက်၏။ သားတော်မောင်ဟာ ဒီမေးခွန်းကိုမေးတာ သုံးလေးခါရှိသွားပြီ။ မေးတိုင်းလဲ သူ့ရဲ့အဖြေကို ဘဝင်ကျဟန်မတူ။ သူကျေနပ်အောင် ဘယ်လိုဖြေရပါ့။ မေးတာကလည်း ကြည့်ပါဦး။ သားသားကို ဘယ်သူကမွေးတာလဲတဲ့လေ။

"ဘာလို့လဲ သားသားရဲ့ သားမေမေ မွေးတာပေါ့"

"ဟွန်း... ဟုတ်ပါဘူးနော်။ မေမေက ပြောတော့ သားသားကို ဖေဖေက မွေးတာဆို ဖေဖေ့ဗိုက်မှာ ခွဲထားတဲ့ အရာကြီးနဲ့။ သားသားမြင်သားပဲ။ အဲဒါသားသားကို မွေးတုန်းက ခွဲထားတာဆိုဖေဖေ"

"ဟေ... မင့်မေမေက အဲလိုပြောလို့လား။ မဟုတ်ပါဘူးသားရယ်။ မေမေက သားသားကို စတာပါ။ ဖေဖေ့ဗိုက်က အစာအိမ်ရောဂါဖြစ်တုန်းက ခွဲထားရတာသားသားရဲ့။ အဲဒီတုန်းက သားက အူဝဲလေးပဲရှိသေးတာ ဘယ်သိဦးမလဲ သားရဲ့"

ဖိုးလပြည့် စိတ်ရှုပ်သွားသည်။ သူဒီမေးခွန်းကို အမေ့ကို မေးတော့ အမေက အဖေ မွေးတာတဲ့။ အဖေ့ကိုမေးတော့ အဖေက အမေမွေးတာတဲ့။ ဘယ်ဟာအမှန်လဲ မသိပါဘူး။ စိတ်ညစ်လိုက်တာ။ တော်ပြီ မစဉ်းတော့ဘူး။


ဒီလိုနဲ့ တဖြည်းဖြည်း အရွယ်ရောက်လာတော့ ဖိုးလပြည့်လည်း စာတွေဖတ်တတ်လာသည်။ အတန်းတွေတစ်တန်းပြီးတစ်တန်း တက်လာတာနဲ့အမျှ စာတွေလည်းစုံနေအောင်ဖတ်သည်။ တစ်နေ့တော့ ဆေးပညာဆိုင်ရာ စာအုပ်တစ်အုပ်ကို တွေ့ရာကနေ အစာအိမ်ရောဂါအကြောင်းရေးထားတာကို ဖတ်မိသွားတယ်။ အဲဒီမှာ အစာအိမ်ရောဂါသမားတွေဟာ အစားအသောက်ဂရုစိုက်ရတဲ့အကြောင်း၊ တွေ့ကရာ မစားရတဲ့အကြောင်း စတာတွေသိလာရသည်။ ဒီတော့မှ ငယ်ငယ်က ဖိုးလပြည့် အရမ်းသိချင်ခဲ့ဖူးတဲ့ မေးခွန်းရဲ့အဖြေကိုပါ ရှာတွေ့သွားတော့တယ်။


ဒီတုန်းက အဖိုးတို့ အဖွားတို့က ပျဉ်းမနား-တောင်ငူ ခရီးသည်တင်ကားထောင်ထားတယ်။ ဘကြီးတွေက မောင်းတယ်။ အဖေက အငယ်ဆိုတော့ ယာဉ်နောက်လိုက်(စပယ်ယာ) လုပ်ရတာပေါ့။ သူ့ကို မွေးတဲ့အချိန်မှာ အမေက နို့ကောင်းကောင်းမထွက်ဘူး။ ဒါကြောင့် လက်တိုဂျင်နို့မှုန့်ဗူးနဲ့ ဖျော်တိုက်တဲ့အခါ သူက အရမ်းသောက်တော့ နို့မှုန့်ဖိုးက အတော်ကုန်တယ်။ နို့မှုန့်ဗူးဖိုး ပိုရအောင် အဖေဟာ ကားနောက်လိုက်ရင် ထမင်းကောင်းကောင်းမစားဘဲ ကားဂိတ်က အသုတ်လေး၊ မုန့်ဟင်းခါးလေးလောက်နဲ့ပဲ တင်းတိမ်လိုက်ပြီး သူ့နို့မှုန့်ဖိုးအတွက် ခြစ်ခြုတ်စုခဲ့တယ်။ ဒီဒဏ်တွေကြောင့် နဂိုထဲက အစာအိမ်ရောဂါအခံရှိတဲ့အဖေဟာ နောက်ဆုံးမှာတော့ ဆေးရုံတက်ပြီး ဗိုက်ခွဲကုသခံလိုက်ရတဲ့အထိဖြစ်သွားတော့တယ်။




သြော် အခုတော့ သူငယ်ငယ်က သိပ်သိချင်ခဲ့တဲ့ သူ့ကို ဘယ်သူမွေးတာလဲဆိုတဲ့မေးခွန်းရဲ့ အဖြေကို ဖိုးလပြည့် ရှာတွေ့သွားခဲ့ပါပြီ။ အမေ့အဖြေရော၊ အဖေ့အဖြေရော မှန်ကြောင်း သူသိခဲ့ပြီ။ သူ့ကို အဖေကရော အမေကရော မွေးခဲ့တယ်ဆိုတာ သူကောင်းကောင်းသဘောပေါက်ခဲ့ပြီလေ။ အမေက ဝမ်းနဲ့မွေးခဲ့တယ်။ အဖေက ဝမ်းနဲ့ကျွေးခဲ့တယ် မဟုတ်ပါလား။

စာကြွင်း။ ။ ၂၀၀၈ ခုနှစ် ဇွန်လ တတိယမြောက်တနင်္ဂနွေနေ့တွင် ကျရောက်သော "ကမ္ဘာ့အဖေများနေ့"တွင် ကျွန်တော့်အတွက် အနစ်နာခံခဲ့သော ကျွန်တော့်ဖေဖေနှင့် ကမ္ဘာတစ်ဝှမ်းလုံးရှိ ဖခင်များအားလုံးတို့အား ရိုသေလေးစားစွာဖြင့်။

Sunday, June 8, 2008

Gtalk နဲ့ ချစ်သက်သေ မထူကြစေလို

Internet သုံးလေ့ရှိတဲ့လူတိုင်းမှာ email address အနည်းဆုံးတစ်ခုလောက်တော့ရှိကြပါတယ်။ အဲဒီထဲမှာ ကျွန်တော်တို့ မြန်မာတွေ အသုံးအများဆုံးကတော့ Gtalk ပဲဖြစ်မယ်ထင်ပါတယ်။ Gmail address တစ်ခုရှိတာနဲ့ Gtalk ကိုပါ သုံးစွဲနိုင်တာကြောင့် နိုင်ငံတကာရောက်သူတွေအတွက် မိသားစုတွေ၊ မိတ်ဆွေသူငယ်ချင်းတွေနဲ့ ဆက်သွယ်ဖို့ရာ အလွန်အဆင်ပြေလှပါတယ်။ အရင်ကတော့ အပျော်သဘောနဲ့ chatting လုပ်ကြရာကနေ အခုအချိန်မှာတော့ တကယ့်ကို ဆက်သွယ်ရေးကွန်ယက်ကြီးတစ်ခုအဖြစ်ပါ အရေးပါအရာရောက်တာမို့ အင်မတန် အကျိုးကျေးဇူးကြီးလှပါတယ်။ အဓိကကတော့ အခမဲ့သုံးစွဲနိုင်တာပါပဲ။

ကျွန်တော်ကိုယ်တိုင်လဲ အိမ်မှာရှိတဲ့အချိန်တိုင်း Gtalk ထဲ ရှိနေတတ်ပါတယ်။ ကျွန်တော်က သူငယ်ချင်း ခင်တတ်တဲ့ အမျိုးအစားထဲ ပါပါတယ်။ ပေါင်းသင်းဆက်ဆံမှုနယ်ပယ်ကိုလည်း ကျယ်ကျယ်ပြန့်ပြန့် ရှိချင်တာပါ။ Gtalk ကနေ နိုင်ငံတကာမှာ ရောက်နေကြတဲ့ မြန်မာသူငယ်ချင်းအသစ်တွေလည်း အများကြီးရပါတယ်။ ဒါကြောင့် Gtalk ကို အတော်ကို နှစ်သက်သလို စွဲစွဲလမ်းလမ်းလဲ သုံးနေဆဲပါ။ အသက်သွင်းပေးခဲ့တဲ့ သူတွေကိုလည်း ဒီနေရာကနေ ကျေးဇူးတင်ရပါတယ်။

ဒါပေမယ့် Gtalk ကို အသုံးပြုသူတစ်ချို့ကြောင့် စိတ်ကသိကအောက် ဖြစ်စရာကိစ္စတွေ တစ်ခါတစ်ရံ ကြုံတွေ့ရပါတယ်။ Gtalk account တစ်ခုကို လွယ်လွယ်လုပ်လို့ ရနိုင်ပါလျက်နဲ့ share သုံးကြတဲ့အခါ အဆင်မပြေမှုတွေ ကြုံရပါတယ်။ စတန့်ပဲထွင်သလား ဘယ်လိုသဘောလည်းမသိပါဘူး။ အထူးသဖြင့် သမီးရည်းစားစုံတွဲတွေပါ။ ကိုယ့်ရည်းစား ကောင်မလေးကို ကိုယ်ရိုးသားကြောင်း၊ online ပေါ်မှာ သက်သေထူချင်ကြတာနဲ့ တူပါတယ်။ တစ်ချို့သူငယ်ချင်းတွေက သူ့ကောင်မလေးကိုပါ password ပေးထားတယ်။ သူ online ပေါ်မရှိတဲ့ အချိန်မှာ ကောင်မလေးက အဲဒီ account နဲ့ ဝင်လာတယ်။ ကိုယ်က သူငယ်ချင်းမှတ်လို့ လှမ်းနှုတ်ဆက်တယ်။ တစ်ချို့ကတော့ ပိုင်ရှင်မဟုတ်ကြောင်း ဘယ်သူဘယ်ဝါဆိုတာ ပြန်ပြောတယ်။ ဒါဆိုကိစ္စမရှိဘူး။ တစ်ချို့က တော်တော်ဆိုးပါတယ်။ ခပ်တည်တည်နဲ့ မျှောပြီးဆက်ပြောတယ်။ အဲဒီတော့ မိန်းကလေးတစ်ယောက်ရှေ့မှာ မပြောသင့်တာတွေ ပြောကောင်းပြောမိနိုင်တယ်။ သူငယ်ချင်းအချင်းချင်းသာ သိထားသေးတဲ့ ကိစ္စမျိုးပြောမိရင် ဇာတ်လမ်းတွေ ရှုပ်ကုန်ရော။ မိန်းကလေးတွေလဲ အတူတူပါပဲ။ အင်မတန် သတိထားသင့်ပါတယ်။

တစ်ခါက ပြသနာဖြစ်ရပုံလေးကို ပြောပါဦးမယ်။ အဲဒီအကိုက ကျောင်းတုန်းက အဆောင်တစ်ဆောင်တည်းမှာ နေခဲ့တာပါ။ တစ်နေ့ Gtalk ပေါ်မှာတွေ့တော့ typing ရိုက်ပြီး ပြောကြရင်းနဲ့ အဆောင်မှာတုန်းက အကြောင်းလေးတွေ ရောက်သွားတယ်။ ကျွန်တော်လည်း သူ့အကြောင်းကိုယ့်အကြောင်းပြောနေရင်းနဲ့ စကားအရှိန်ရနေတာပေါ့။ သူ့နေရာမှာ သူ့မိန်းမဝင်လာတာကို မသိဘူးလေ။ ဟိုဖက်ကလည်း မပြောဘူး။ အဲဒီမှာ ကျောင်းသားဘဝက မိန်းမသဝန်တိုစရာကိစ္စတစ်ခုကို ပြောမိလိုက်တယ်။ သာမန်အားဖြင့် သူငယ်ချင်းအချင်းချင်း ပြောနေကြစကားပါ။ အဲဒီမှာ ဟိုဖက်ကနေ စိတ်ဆိုးမာန်ဆိုးနဲ့ ပြောဆိုပြီး ထွက်သွားတယ်။ ကျွန်တော်လည်း ဒီလူ စိတ်ဆိုးစရာလဲမပါပဲနဲ့ ဘာဖြစ်တာလဲပေါ့လေ။ ဒါနဲ့ နောက်တစ်နေ့ကျတော့ ကျွန်တော့်ဆီ ဖုန်းလှမ်းခေါ်တယ်။ အဲဒီနေ့က သူ rest roomခဏသွားလိုက်တုန်း သူ့မိန်းမဝင်လာတာဖြစ်ကြောင်း အဲဒီညက သူ့ကို စိတ်ဆိုးပြီး တစ်ညလုံး ကွိုင်ရှာနေကြောင်း ပြောပါတယ်။ ကျွန်တော်လည်း အဲဒီတုန်းက ပြောမိတာလေးတွေ ပြန်ပြောပြပြီး စိတ်မကောင်းကြောင်း ပြောရတာပေါ့။ တကယ်တော့ သူနဲ့ပြောနေတုန်း သူထွက်သွားမယ်ဆိုရင် ပြောသွားသင့်တာပေါ့။ အမျိုးသမီးလုပ်သူကလဲ ဘယ်သူမှန်းမသိဘဲ ဝင်မပြောသင့်ဘူးလေ။

အဲဒီတော့ ကျွန်တော် Gtalk သုံးသူတွေကို သတိထားဖို့ ပြောချင်တာက ကိုယ့်ချစ်သူကို ကိုယ့်ဇနီးကို ချစ်ခင်ကြရင် တစ်ခြားနည်းနဲ့ချစ်ကြပါ။ တစ်ခြားနေရာတွေမှာ ပွင့်လင်းကြပါ။ Gtalk account ကို အတူသုံးခြင်းနဲ့တော့ ရိုးသားမှုကို ချစ်သက်သေ မထူကြစေလိုပါ။ အခြားသော online သူငယ်ချင်းတွေကို စိတ်ကသိကအောက် မဖြစ်ကြစေလိုပါခင်ဗျား။

Popular Posts