တောင်ငူသား

..... စိမ်းလန်းပါစေ ကမ္ဘာမြေ ... ငြိမ်းချမ်းပါစေ ကမ္ဘာမြေ .....

Saturday, April 25, 2009

ကျိုက်ထီးရိုး ဆံတော်ရှင်


ဘုရားဝတ်ပြုဖို့ ရင်ပြင်တော်ပေါ် တက်ခဲ့တယ်။ ကြည်ညိုဖွယ်ရာ ကျိုက်ထီးရိုးဘုရားရဲ့ သပ္ပါယ်မှုဟာ ဘယ်နှစ်ကြိမ်ဖူးဖူး အသစ်သစ်သော သဒ္ဓါပီတိစိတ်ကို ဖြစ်ပေါ်စေပါတယ်။ ဆယ့်ငါးနှစ်အတွင်း ငါးခေါက် ရောက်ခဲ့ရာမှာ တစ်ခေါက်ထက် တစ်ခေါက် အဆောက်အဦးတွေ တဖြည်းဖြည်း များပြားလာတယ်။ ရင်ပြင်တော်ပေါ် တက်လာတဲ့ လမ်းတစ်လျှောက်မှာရော ရင်ပြင်တော်နဲ့ တစ်ဆက်တည်းမှာရော ဂေါပက၊ ပုဂ္ဂလိက၊ ဌာနဆိုင်ရာ တည်းခိုဆောင်တွေ ဓမ္မာရုံတွေ အစီအရီ တွေ့ရတယ်။ နေ့ခင်းပေမယ့် တောင်ပေါ်လေ တဖြူးဖြူးနဲ့မို့ အပူဒဏ် မရှိသလောက်ပါပဲ။ နေ့ခင်းပိုင်းတော့ အာရုဏ်ခံတန်ဆောင်းထဲမှာ ဘုရားဖူးရှင်းပါတယ်။ ညပိုင်းတော့ အပြင်မှာက အေးလဲအေး၊ ပိုးကောင်တွေကလည်း များတော့ အချိန်ကြာကြာ ပုတီးစိပ်သူ တရားထိုင်သူများနဲ့ အပြည့်ပါပဲ။


အာရုဏ်ခံတန်ဆောင်း


Collection of Donation Boxes

ပင်မအလှူခံဌာနမှာ ရွှေသင်္ကန်း ဝယ်ယူပူဇော်နိုင်သလို ဘုရားသမိုင်းစာအုပ်၊ ဘုရားသမိုင်း ရုပ်ပြစာအုပ်များလည်း ဝယ်ယူနိုင်ပါတယ်။ ရေ၊ ကျောက်ပြား၊ အဆောက်အဦး၊ ကားလမ်း၊ လျှပ်စစ်မီး၊ ဘက်စုံ စသဖြင့်လည်း နှစ်သက်ရာ သီးသန့်လှူနိုင်ပါတယ်။ ဘေးမှာတော့ ကြေးဆည်းလည်း၊ မီးဆလိုက် အရွယ်စုံကို ဝယ်ယူလှူဒါန်းနိုင်ပါတယ်။ ကမ္ဗည်းလည်း ခဏအတွင်း ထိုးပေးပါတယ်။ ကြေးဆည်းလည်းလေးတွေကို ဘုရားကျောက်လုံးတော်ကြီးအနီးက စတီးလက်ရန်းများမှာ ကိုယ်တိုင်ချိတ်ဆွဲ လှူဒါန်းလို့ရပါတယ်။ ရွှေသင်္ကန်းတစ်ဆိုင်းကို ၉၀၀ ကျပ် ပေးရပြီး ထောင်တန်ပေးလိုက်လို့ ပြန်အမ်းဖို့လိုအပ်ရင် ငွေအကြွေအစား ဘုရားပုံ အသေးလေးတွေ ပြန်ရတတ်ပါတယ်။


ပင်မအလှူခံဌာန

မီးဆလိုက်၊ ကြေးဆည်းလည်းများ ပူဇော်ရန် အလှူခံဌာန


သိမ်တော်ကြီး

ရင်ပြင်တော် ဆေးပေးခန်း


ရင်ပြင်တော်ပေါ်အတက် အဝင်မုခ်ဦး

တောင်ပေါ်တက်တဲ့ ကားတွေနဲ့ ကင်ပွန်းစခန်းကနေ ရသေ့တောင်စခန်းအထိကို လူတစ်ဦး ၁၈၀၀ ကျပ်နှုန်းနဲ့ လိုက်ပါနိုင်ပါတယ်။ ရသေ့တောင်ကနေ ရင်ပြင်တော် မုခ်ဦးနားထိ (အထက်ပါပုံ) ကိုတော့ တစ်ယောက် ၁၂၀၀ ကျပ်နဲ့ ဆက်တက်လို့ရပါတယ်။ ဘုရားဖူး အများစုကတော့ ရသေ့တောင်ရောက်ရင် အထက်ကို ခြေလျင်ပဲ ဆက်တက်ကြပါတယ်။ ဒါကြောင့်လည်း ရသေ့တောင်နဲ့ ရင်ပြင်တော်မုခ်ဦးအထိ သွားတဲ့ လမ်းတစ်လျှောက်မှာ အတက်သမားရော အဆင်းသမားပါ တွေ့ရသလို ကျိုက်ထိုဟော်တယ်နား ရောက်တဲ့အထိ ဈေးဆိုင်တန်းတွေနဲ့ စည်ကားနေပါတယ်။ ကျိုက်ထိုဟော်တယ် အနားမှာ “Moutain Top” ဟိုတယ်နဲ့ မနီးမဝေးမှာ အခြားဟော်တယ်တစ်လုံးလည်း ရှိပါသေးတယ်။ ဟော်တယ်တွေက ဧည့်သည်တွေ ရင်ပြင်တော်ဖက်ထိ မသွားချင်ရင်ပဲဖြစ်ဖြစ်၊ အချိန်လင့်သွားရင်ပဲဖြစ်ဖြစ် အနီးနားက အစားအသောက်ဆိုင်တွေမှာ လမ်းလျှောက်ရင်း သွားထိုင်ကြပါတယ်။ ညလုံးပေါက် မဟုတ်တောင် တော်တော်ညဥ့်နက်တဲ့အထိ သီချင်းသံတွေနဲ့ပါ။ ဈေးတော့ နည်းနည်းကြီးတယ် ပြောရမယ်။

6 comments:

ကျိုက်ထီးရိုးဘုရားလာဖူးသွားပါတယ်ရှင်..

ကျေးဇူးတင်ပါ၏။
 
သေချာရေးထားတာဘဲ။ ဖတ်သွားသည်။

ကွန်မက်မှာ ward verification လေးများမဖြုတ်ပေးချင်ဘူးလား။

ကိုယ့်ဘာသာ ကွန်မက်ပြန်ပေးကြည့်ပါ။ ward verification တောင်းရင်စာလုံးပေါင်းရတာကို များသောအားဖြင့်ဘယ်သူမှ စိတ်မရှည်ကြဘူး။ ကျေးဇူးပြူပြီးဖြုတ်ပေးစေချင်တယ။် ဘယ်လိုလုပ်ရမလဲဆိုတာကို။ ဒါကိုဖတ်ပြီးလုပ်ပါ။
ကျေဇူး

http://khinoomay77.blogspot.com/2009/03/how-to-remove-ward-verification.html
 
ကိုတောင်ငူရေ… ဟုတ်တယ်နော်… အတော်ပြောင်းလဲသွားတာပဲ… အဆောက်အဦးတွေ အတော်များလာတယ်… ပုံလေးတွေကြည့်ပြီး ခုသာ ပြေးသွားလိုက်ချင်တော့တယ်… မျှဝေပေးတာ ကျေးဇူးပါ…
 
ကျိုက်ထီးရိုး ယဉ်ပြင်တော်ပေါ်က အဆောက်အဦးအစုံကို ခုလို ဝေမျှတဲ့အတွက် အတော်လေးကို အလွမ်းလဲပြေ... ကျေးဇူးလဲတင်ပါတယ်.. အစ်ကို..
 
ဘုရားဖူးလာ မဝါဝါနဲ့
ဘုရားဖူးနေ မခင်ဦးမေ
ဘုရားပြေးဖူး မတန်ခူးနဲ့
အလွမ်းပြေတာ မဗေဒါတို့
ကျေနပ်ဝမ်းသာ ကျေးဇူးပါခင်ဗျ
 
ကျိုက်ထီးရိုးဘုရား လာဖူးပါတယ်ဗျာ..
ကိုတောင်ငူသားတစ်ယောက် ဒီထက်ပိုပြီး နောက်ထပ်ဘုရားတွေ ဖူးနိုင်ပါစေ။
ကျွန်တော့ဆီကိုလည်း လာလည်ဖို့ ဖိတ်ခေါ်ပါတယ်။
http://www.yuya2007.blogspot.com
ပါ။ ရောက်ဖြစ်ရင် ၀င်ခဲ့ပေါ့ဗျာ...
 

Popular Posts