တောင်ငူသား

..... စိမ်းလန်းပါစေ ကမ္ဘာမြေ ... ငြိမ်းချမ်းပါစေ ကမ္ဘာမြေ .....

Sunday, July 13, 2008

ရတနာသုံးပါးစုံရာနေ့


၂၀၀၈ ခု ဇူလိုင် ၁၇ ရက်နေ့ဟာ မြန်မာသက္ကရာဇ် ၁၃၇၀ ပြည့်နှစ် ရဲ့ ဝါဆိုလပြည့်နေ့ ဖြစ်ပါတယ်။
ဝါဆိုလပြည့်နေ့ဟာ ဗုဒ္ဓသာသနာတော်ရဲ့ ထူးခြားတဲ့နေ့ထူးနေ့မြတ်တွေထဲမှာ တစ်နေ့အပါအဝင်ဖြစ်ပါတယ်။

ဝါဆိုလပြည့်နေ့တွင်

မြတ်စွာဘုရားအလောင်းတော်နတ်သားသည် မယ်တော်ဖြစ်လာမည့် မာယာဒေဝီရဲ့ ဝမ်းကြာတိုက်မှာ ပဋိသန္ဓေယူတော်မူ ပါသည်

မြတ်စွာဘုရားအလောင်းလျာ သိဒ္ဓတ္ထမင်းသားသည် သက်တော် ၂၉ နှစ်အရွယ်မှာ ထီးနန်းစည်းစိမ်ကိုစွန့်ပြီး တောထွက်တော်မူ ပါသည်

မြတ်စွာဘုရားရှင်သည် ပဉ္စဝဂ္ဂီငါးဦးတို့အား တရားဦး ဖြစ်သော ဓမ္မစကြာတရားတော် ကို မိဂဒါဝုန်တော၌ ဟောကြားတော်မူပါသည်

ဓမ္မစကြာတရားနာယူပြီးနောက် ပဉ္စဝဂ္ဂီငါးဦးထဲမှ အရှင်ကောဏ္ဍည သည် လူသားများထဲမှ ပထမဦးဆုံး သောတာပန်တည်သည့်ပုဂ္ဂိုလ် ဖြစ်လာပါသည်

မြတ်စွာဘုရားရှင်ထံ ထိုအရှင်ကောဏ္ဍညပင် ရဟန်းပြုခွင့်ပေးရန် တောင်းပန်လျှောက်ထားရာ မြတ်စွာဘုရားမှ ခွင့်ပြုပေးတော်မူသဖြင့် ပထမဦးဆုံးသံဃာတော် အဖြစ် ပေါ်ထွန်းလာပါသည်

ထို့ကြောင့် ဝါဆိုလပြည့်နေ့သည် ဗုဒ္ဓသာသနာတော်အတွက် ဘုရား၊ တရား၊ သံဃာ တည်းဟူသော ရတနာသုံးပါးတို့ စုဆုံရာနေ့ထူးနေ့မြတ်ပင် ဖြစ်ပါသည်။ ။


-------------------------------------------------------------------------------------------------အရှင်ကောဏ္ဍည အမည်စာလုံးပေါင်းကို “နှလုံးလှ“ အမည်ဖြင့် စာဖတ်သူတစ်ဦးမှ အမှန်ထောက်ပြသွားပါသဖြင့် ကျေးဇူးတင်ရှိကြောင်း ဆိုပါရစေခင်ဗျား။ နာယူခဲ့သော၊ ဖတ်မှတ်ခဲ့သော တရားတော်များမှ ကောက်နှုတ်ချက်များကို ပြန်လည်ဝေငှခြင်းဖြစ်ပါသည်။ မြတ်စွာဘုရား တရားဦးဟောတော်မူနေသောပုံအား ယုယမြတ်နိုးဘလော့ ညလေးဘလော့ တို့မှအဆင့်ဆင့် ပွားယူပူဇော်ပါသည်။ သက်ဆိုင်သူများအားလုံးအား ကျေးဇူးတင်ပါသည်။

5 comments:

This comment has been removed by the author.
 
အရှင်ကောဏ္ဍည၊ ပါဠိလိုရိုက်မရပါလျှင်။ အရှင်ကွဏ်ဍဉ်ဉ (ဖတ်လျှင်=အရှင်ကွန်ဒင်ည)ဟူ၍ မှတ်သားဖူးပါသည်။

ပြင်ရန် အစီအစဉ်မရှိပါ မှားလျှင်ပြင်ပေးပါဆိုသည့်အတွက်

ပဋ္ဋိသန္ဓေ(မှား) ပဋိသန္ဓေ(မှန်)

ယခင်ပို့..... ပိဋကတ်သုံပုံဆိုသည်မှာ မှ....
ပိဋ္ဋကတ်သုံးပုံဟူ၍(မှား) ပိဋကတ်သုံးပုံဟူ၍(မှန်)
ဋ-အောက်က ဋ တလုံးပိုနေပါသည်။

စိတ်ချမ်းသာကြပါစေ။
 
အကိုရေ.. အရင်ဆိုဘာနေ့ ညာနေ့ ဆို ဘယ်တော့မှ ကြိုသိတာမဟုတ်ဘူး.. သူများပြောမှ မနက်ဖြန်ဘာနေ့ ၊ ဒီနေ့ ဘာနေ့ ဆိုပြီး သိတာ.. ဒီတစ်ခါဝါဆိုလပြည့်ကတော့ အကို့ ဘလော့မှာ အစောကြီးတည်းက ကြိုဖတ်ထားတော့ အနည်းဆုံး ၀ါဆိုလပြည့်မှာ ပဌာန်းရွတ်မယ်စသဖြင့် ကြိုတွေးထားမိတယ်.. နေ့ ထူးတွေအကြောင်းကိုလည်း ရောရောနှောနှော မှတ်သားထားပေမယ့် ရတနာသုံးပါးစုံတဲ့နေ့ ဆိုပြီးတော့ တစ်ခါမှ မတွေးဖူးဘူး (ကိုယ့်ရဲ့ ဘာသာတရားဗဟုသုတ၊ အကြားအမြင်ကို ထုတ်ဖေါ်ဝန်ခံရတာ ရှက်တော့ရှက်ပါရဲ့ဗျာ) ... ဘယ်လိုပဲ ဖြစ်ဖြစ် ဒီနှစ်ဝါဆိုလပြည့်ကတော့ အကို့ ပို့ စ်ကြောင့် ပိုအဓိပ္ပါယ်ရှိသွားပြီမို့  ကျေးဇူးအထူးတင်ရှိပါတယ်.. ပို့ စ်အသစ်တင်မတင်ဝင်ကြည့်ရင်း ဒီပို့ စ်ကိုမြင်တိုင်း ခံစားမိတဲ့ ခံစားချက်ကို ၀င်ရေးသွားတာပါ..
 
(ဦး/ကို) နှလုံးလှခင်ဗျား
TGOthar ဆိုတဲ့နာမည်နဲ့ စီပုံးထဲမှာပြောသွားတာလည်း မိတ်ဆွေလို့ပဲ ထင်ပါသည်။ မဟုတ်ခဲ့ရင်လည်း
နှစ်ဦးလုံးကို အထူးကျေးဇူးတင်ပါသည်။

ဋ နေရာများတွင် ဋ္ဋ များဖြစ်နေရခြင်းမှာ စာရိုက်ရာတွင် လက်ကွက်မှားရိုက်မိခဲ့ခြင်းသာဖြစ်ပါသည်။ ဋ နေရာမှာ ဋ္ဋ ကို စာလုံးပေါင်းအမှန်ဖြစ်သည်ဟူ၍ သုံးထားခြင်းမဟုတ်ပါ။ အခုလို ကျွန်တော်၏ ပို့စ်များအား ဂရိုက်တစိုက် ဖတ်ရှု ထောက်ပြပေးသည့်အတွက် လေးလေးနက်နက် ကျေးဇူးတင်ပါတယ်ခင်ဗျား။
နောက်နောင်လည်း ဆက်လက်အကြံပြုစေလိုပါတယ်။

မေတ္တာဖြင့်
 
ဝါဆိုက ဒီလထဲမှာတော့ သိတယ်။ အိမ်က သင်္ကန်းကယ် ဓါတ်ပုံတွေ ပို့လိုက်တာကိုး။ ၁၇ရက်နေ့ဆိုတာ အသေအချာ သတိပေးတဲ့ အတွက် ကျေးဇူးပါ။ ဒီလို ဆော်သြတဲ့အတွက် ကိုတောင်ငူသား ကုသိုလ်တွေ အများကြီးရဦးမှာ။ :)
 

Popular Posts